काठमाडौँ, १५ असोज । अमेरिकी राष्ट्रपति डोनाल्ड ट्रम्पलाई कोरोना भाइरस (कोभिड-१९) संक्रमण पुष्टि भएको छ । श्रीमतीसहित आफ्नो रिपोर्ट पोजेटिभ आएको ट्रम्पले सामाजिक सञ्जाल ट्वीटर मार्फत जानकारी गराएका छन् ।
मिलेर छिट्टै संक्रमणबाट निको उनले विश्वास व्यक्त गरेका छन् । ट्रम्प केही दिनदेखि क्वारेन्टाइनमा थिए । राष्ट्रपति चुनावको दौडमा रहेका बेला उनलाई कोरोना संक्रमण भएपछि उनको चुनावी प्रभावित हुने भएको छ ।
अमेरिकी राष्ट्रपति डोनल्ड ट्रम्पका सल्लाहकार होप हिक्सलाई कोरोना भाइरस संक्रमण भएको छ । सीएनएनका अनुसार पछिल्लो समय सल्लाहकार हिक्स राष्ट्रपति ट्रम्पसँग थुप्रै स्थानमा राष्ट्रपतीय चुनावी बहसका कार्यक्रममा हिँडेकी थिइन् ।
राष्ट्रपति ट्रम्पले बिहीबार राति सल्लाहकारको रिपोर्ट पोजेटिभ आएपछि आफ्नो समेत कोरोना परीक्षण गराएको जानकारी दिएका थिए । राष्ट्रपति ट्रम्पले श्रीमती मेलानियाको समेत बिहीबार बेलुकी कोरोना परीक्षण गराएको बताएका थिए ।
ट्रम्पलाई कोरोना संक्रमण भएपछि उनको चुनावी प्रचार अभियान प्रभावित हुनेछ । ट्रम्प दम्पत्तिलाई कोरोना संक्रमण पुष्टि भएसँगै उपराष्ट्रपति माइक पेन्सको कोरोना रिपोर्ट के आउँछ भन्ने चासो एकदमै बढेको छ ।
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
Hope Hicks, who has been working so hard without even taking a small break, has just tested positive for Covid 19. Terrible! The First Lady and I are waiting for our test results. In the meantime, we will begin our quarantine process!
— Donald J. Trump (@realDonaldTrump) October 2, 2020
