प्युठान, असार २० । प्युठान जिल्लामा आज फेरि थप ११ जनामा कोरोना भाइरस (कोभिड-१९) को संक्रमण पुष्टि भएको छ । योसंगै प्युठानमा कोरोना संक्रमितको संख्या ३२३ जना पुगेको स्वास्थ्य कार्यालय प्युठानका प्रमुख बिशाल सुबेदीले जानकारी दिएका छन् ।
प्रदेश जनस्वास्थ्य प्रयोगशाला रुपन्देहीमामा गरिएको परिक्षणमा थप ११ जनामा कोरोना संक्रमण देखिएको हो । आज कोरोना संक्रमण पुष्टि हुनेहरुमा मल्लरानी गाउँपालिका ४ जना पुरुषहरु र स्वर्गद्वारी नगरपालिका १ जना पुरुष रहेका छन् । यी कोरोना संक्रमित हुनेहरुको उमेर समुह २० वर्षदेखि ३० वर्ष रहेको छ ।
यसका साथै प्युठान नगरपालिकाका ४ जना, गौमुखी गाउँपालिका १ जना र झिम्रुक गाउँपालिका १ जना गरी ६ जना पुरुह्शारू रहेका छन् । यी कोरोना संक्रमित हुनेहरुको उमेर समुह ११ वर्षदेखि ५५ वर्ष रहेको छ । यसरी आज मात्र नयाँ १७ जनामा कोरोना संक्रमण पुष्टि भएको छ ।
आज बिहान मात्र प्युठानमा थप ६ जनामा कोरोना भाइरसको संक्रमण पुष्टि भएर संक्रमितको संख्या ३१२ जना पुगेको स्वास्थ्य कार्यालय प्युठानका प्रमुख बिशाल सुबेदीले जानकारी दिएका थिए ।
यो पनि पढ्नुहोस्
