नवलपुर । हिजो वैशाख ७ गते बुधबार नेपाल आयुर्वेद औषधि व्यवसायी संघको साधारणसभा तथा दोस्रो अधिवेशन, २०७९ सम्पन्न भएको छ ।
नवलपुरको कावासोती होटल नयाँ थाली, कावासोती थाना पछाडि लुम्बिनी क्याम्पस रोड जाने बाटोमा विहान ७.३० बजेदेखि कार्यक्रम शुभारम्भ भएको थियो । उक्त कार्यक्रममा आयुर्वेदको हकहितमा बक्ताहरुले बोलेका थिए ।
उक्त कार्यक्रममा प्रमुख अतिथि नेपाल आयुर्वेद औषधि व्यवसायी संघ गण्डकी प्रदेशका सम्योजक कृष्णप्रसाद तिमिल्सिना आथित्यमा अखिल नेपाल होम्योपैथीकका केन्द्रीय कोषाध्यक्ष डा. शंकरराज पौडेल र जिल्ला आयुर्वेद स्वास्थ्य केन्द्रका गोविन्द पौडेलको उपस्थिति रहेको थियो ।
कार्यक्रममा बक्ताहरुले बोल्ने क्रममा आयुर्वेदको दिगो विकास हुनुपर्नेमा विषेश जोड दिएका थिए । बर्तमान अवस्थालाई केलाएर हेर्दा आयुर्वेद परम्परा चिकित्सा भएतापनि एलोपेथिकलाई बढी मान्यता दिएको देखिनु गलत भएको केहीको मत रहेको थियो ।
यस नेपाल जिल्ला आयुर्वेद औषधि व्यवसायी संघमा चुनिएका पदाधिकारीहरू निम्न अनुसार रहेका छन् :
१. अध्यक्ष : गणेश आचार्य
२. उपाध्यक्ष : पार्वती कंडेल
३. सचिव : अशोक नेपाली
४. कोषाध्यक्ष : दिपक प्रसाद कंडेल
५. सदस्य : पवन न्यौपाने
६. सदस्य : मेनुका अधिकारी
७. सदस्य : मिना सापकोटा
८. सदस्य : श्रीकृष्ण विश्वकर्मा
उक्त कार्यक्रममा ८ जनाको कार्यसमिति गठन भएको छ । यस नेपाल आयुर्वेद औषधि व्यवसायी संघको विकासमा हातेमालो गर्दै यसको विकास नै हाम्रो बिकास हो भविष्यमा आयुर्वेद क्षेत्रमा दत्तचित्त भएर लाग्ने प्रतिबद्धतासहित आजको कार्यक्रम सम्पन्न भएको छ ।
तल हिजोको कार्यक्रमको झलक प्रस्तुत गरिएको छ :
