आज सामान्य रूघा लाग्नासाथ औषधि सेवन गर्ने प्रचलन धेरै बढेको छ । यो गलत हो । यसले रूघा बिगार्न सक्छ । रूघा नपाक्दासम्म औषधि सेवन गर्नाले थुप्रै समस्या निम्तन सक्छ । जाडो मौसममा रुघाखोकी तथा चिसोको समस्या हुन्छ । यस्तो बेलामा सन्तुलित आहार, व्यायाम, पर्याप्त निद्रा तथा तनाव कम भएन भने रोगप्रतिरोधी क्षमता घट्दछ र चिसो मौसममा हुने संक्रमणको जोखिम बढि हुन्छ ।
मौसम चिसो सुरु भएको छ । यो मौसममा तातो-तातो खाना खाने चिसो पेय पदार्थको सेवन कमसे कम गर्ने बानी बसाल्ने, सुत्दा टाउकोमा कपडाले बानेर सुत्ने गर्नाले रूघा लाग्ने सम्भावना कम हुने गरेको पाईएको छ । हामीले खाने केही सामान्य खानेकुराहरु यस्ता हुन्छन् जसले चिसो तथा रुघाखोकीबाट बचाउँछन् ।
रूघा लाग्दा खान सकिने केहि औषधि र खानाहरू
१. जाडोमा ग्रिन टी धेरै फाइदा गर्ने हुन्छ । ग्रिन टीमा शक्तिशाली एन्टीअक्सिडेन्ट पाइन्छ । यसमा भाइरस प्रतिरोधी तत्व पाइन्छ । दिनमा ३ कम ग्रिन टी पिउनाले रोग प्रतिरोधी क्षमता बढाउँछ र जाडो याममा हुने विभिन्न संक्रमणको जोखिम पनि घटाउँछ ।
२. च्याउमा पनि विभिन्न खाले पोषक तत्वका साथै औषधीय तत्व पाइन्छन् । यसलाई रोगप्रतिरोधी क्षमताको प्रवर्द्धक मानिन्छ । चिसोमा हुने भाइरसजन्य संक्रमणबाट जोगिन नियमित रुपमा च्याउको सुप खानु आवश्यक हुन्छ ।
३. लसुनलाई आयुर्वेदमा पनि अचूक औषधिको रुपमा लिइन्छ र चिसो र ज्वरोको घरेलु उपचारमा समेत यसको प्रयोग हुँदै आएको छ ।
४. जाडो मौसममा हुने रुघाखोकी तथा ज्वरोको सबैभन्दा सजिलो तथा भरपर्दो घरेलु औषधिको रुपमा महको सेवन गर्ने गरिन्छ ।
५. महलाई दुधमा मिलाएर पिउँदा चिसो तथा संक्रमणबाट बच्न सकिन्छ । महमा ब्याक्टेरिया तथा भाइरस प्रतिरोधी गुण पाइन्छ ।
६. रूघा लाग्नासाथ तुलसी, अदुवा र मरिच राखेको चिया खानाले चाँडो निको हुन्छ ।
७. रूघामा ज्वरो आउनु खतरा हो । यस्तो देखिएमा डाक्टरको परामर्शमा उपचार गराउनु राम्रो हुनेछ । रूघालागेको बेला एण्टिवायोटिक औषधिले काम गर्दैन झन रूघालाई विगार्न सक्छ हेक्का रहोस् ।
८. आजकाल रूघा लाग्नासाथ रूघाको औषधि खरिद गरेर खाने प्रचलन धेरै छ । रूघाको औषधि सेवन गर्दा सन्चो हुनुको सट्टा झन बिग्रन सक्छ ।
९. रूघा लाग्नासाथ तातो सुप खाने बेसार पानी पकाएर खाने गर्नाले पनि चाँडो रूघा निको हुन थाल्दछ ।
१०. सेलिसिया ६xको या १२xको औषधि लामो समय रूघा लागि रहेमा दिनमा ४ पटक ४ गोलीको मात्रामा खान सक्नु हुन्छ ।
११. रूघा लाग्दा भाइरसको सक्रमण हुने हुनाले ब्याक्टेरिया विरोधी औषधि दिनुको कुनै औचित्य छैन यस्ता औषधि सेवनमा रोक लगाउन आवश्यक छ ।
१२. रूघाको औषधि होइन झन विगार्न सक्छ भन्ने खालको जनचेतनामुलक समाचार र जनचेतनामुलक सन्देश नागरिकमा जान आवश्यक छ ।
नोट : रूघालाई सामान्य रूपमा हेर्नु हुदैन । रूघाको औषधि होइन घरेलु खानपानमा ध्यान दिन सके रूघा आफै निको हुन सक्छ ।
यो पनि पढनुहोस्
गाईको घिउबाट गरिने रोगको उपचार
भिटामिन बढी वा कम भए के हुनसक्छ ? जानी राखौ
*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर तथा साइन्स इन्फोटेकका सल्लाहकार हुनुहुन्छ ।
