Menschliche Nieren
हाम्रो शरीरमा भएको अत्यन्तै महत्वपुर्ण अंगहरु मध्ये मृगौला पनि एक हो। आजभोली मृगौला रोगीहरुको संख्या बढ्दै गइरहेको छ। यदी मृगौलामा समस्या सुरु भैसकेको छ भने पनि सुरुमा थाहा पाउन सकिंदैन। विशेषज्ञहरुको भनाइ अनुसार गलत खानपान र विभिन्न प्रकारका औषधिहरुको साइड इफेक्टको कारणले गर्दा मृगौलामा समस्या आउने गर्दछ। जान्नुहोस केहि लक्षण जसवाट मृगौला खराव हुँदै छ भन्ने संकेत गर्दछ।
- किड्नी खराव हुँदै छ भने पटक पटक पिशाव आउन सक्छ। रातमा बढी पिशाव हुने हुन्छ।
- पिशाव गर्न गाह्रो हुन्छ र दुखाइले गर्दा पिशाव नआउन पनि सक्छ।
- पिशाव संगै रगत पनि देखा पर्न सक्छ। यसो भएमा तुरुन्त डक्टरलाइ देखाई हाल्नु पर्छ।
- मृगौलाले पानीलाई पूर्ण रुपमा छान्न नसक्ने हुँदा उक्त पानी शरीरमा जम्मा हुन गइ शरीर सुन्निछ। विशेस गरि हात, पाखुरा, पीडुला, गोलिगाठो आदि भाग सुन्निने हुन्छ।
- मृगौला खराव हुँदा शरीरमा अक्सिजनको कमि हुन् गइ शरीर कमजोर हुन्छ। त्यस्तै शरीरमा एनिमिया पनि हुन सक्छ।
- शरिवाट हानिकारक बस्तुहरु बाहिर पिशाव मार्फत पूर्ण रुपमा बाहिर ननिस्कने हुँदा छालाको समस्या पनि आउन सक्छ।
- मृगौला खराव हुँदा रगतमा युरियाको मात्रा बढ्ने हुँदा स्वासमा दुर्गन्ध आउने हुन्छ।
- रगतमा पानीको मात्रा बढ्ने हुँदा रक्त चाप सामान्य भन्दा बढ्दछ।
- शरीरबाट हानीकार रसायन बाहिर ननिस्कने हुँदा वाकवाक लाग्ने वा उल्टी हुन सक्छ।
- शरीरका सम्पूर्ण जोर्नीहरू दुख्ने हुन्छ।
यदि यस्ता लक्षणहरु देखा परेमा तुरुन्त चिकित्सकको परामर्स लिनु पर्दछ। : एजेन्सी
