नवलपुर । दालचिनी स्वादमा कडा खालको मिठो स्वादमा हुन्छ । यस्लाई मसलाको रूपमा प्रयोग गरिन्छ । दालचिनीका गुण दिपन, पाचन, मुत्रल, कफनासक, स्तमभन गुणले भरिएको जडिबुटी अन्तर्गत पर्दछ । सहि तरिकाले प्रयोग गराउन सके लिभर र स्मरणशक्ति बढान समेत बेजोड छ ।
हाम्रो भान्सामा यो जडिबुटी सदिउ देखि विद्यमान छ । यो जस्ता अन्य जडिबुटि पनि छन् त्यसबारेमा हरेकले जान्ने प्रयत्न गर्नुपर्छ र मात्र हामीले स्वास्थ्य लाभ लिन सक्नेछौं । स्वस्थ रहन हाम्रो भान्सानै डाक्टर हो भन्दा खासै फरक छैन ।
दालचिनी सेवन गर्नुका फाइदाहरु
दालचिनीबाट मानव स्वास्थ्यमा थुप्रै फाइदाहरू उठाउन सकिन्छ । यसको प्रयोगबाट पाचन विकारमा राम्रो फाइदा गर्दछ । खोकी र चिसोमा पनि लाभदायक छ, स्त्री रोगमा फाइदा गर्दछ, खानाको स्वादमा वृद्धि गर्दछ ।
हामीले प्रयोग गर्न नजान्दा दरदरको ठोकर खादै छौं । हाम्रो भान्सा हाम्रो लागि अस्पताल नै हो भन्दा खासै फरक छैन । हामीले पहिलो उपचार भान्साबाटै सुरु गर्ने बानी बसाल्नुपर्छ । हाम्रा पुर्खाहरू वैज्ञानिक रहेछन् उनीहरुको मार्गमा हामी हिड्न जानेनौं । आज हामीले सहि तरिकाबाट प्रयोग गर्न नजान्दा प्रयोगविहिन भएका छौं ।
हाम्रो भान्सामा हुने मेथी, जीरा, धनिया, ल्वाङ, सुकमेल, दालचिनी, अदुवा, प्याज, लहसुन, हरियो खुर्सानी र काचै खानेमा पुदिना, धनिया, टमाटर, पत्तागोभी, मुला जस्ता थुप्रै खाद्य छन् जसलाई सहि तरिकाले खाने गरेमा यसबाट हामीले थुप्रै फाइदा उठाउन सक्ने छौं तर यसका लागि राम्रो जानकारी हुन आवश्यक छ ।
प्रकृतिको नियम मुताविक यदि हामीले पालना गर्छौं भने मलाई लाग्छ हामीले दरदरको ठोकर खानुपर्ने थिएन । खाना खाँदा नबोल्नु हात मिचि-मिचि धोएर मात्र खाना खाने सरसफाईमा विषेश ध्यान पुर्याउने दबाएर खाना नखाने जस्ता नियम पालना गर्न सके हामीलाई कुनै पनि रोग नलाग्न सक्छ ।
स्वादको चक्करमा हामीले आफ्नो स्वास्थ्य समाप्त पार्दैछौं । कुनैपनि वस्तुको राम्रो जानकारी नहुँदा मानिसले दु:ख भोग्ने गरेको हामी पाउछौं । हामीले पहिलो प्राथमिकता खानालाई दिन सकनुपर्छ । मुलाकै कुरा गरौं मुला जण्डिसको उत्कृष्ट औषधि मानिएको छ ।
जण्डिस भएकाहरूले डाक्टर काहाँ जानुअघि १ माना मुलाको पातको रसमा ४ चमच मोटो चिनी राखेर दिनमा एकपटक खान दिनुस् जण्डिस निको हुन्छ । हाम्रो भान्सालाई क्लिनिकको रूपमा ढाल्न सक्नुहुन्छ ।
जस्तै मसला अनुसारको डब्बा ल्याउनुहोस् र डब्बा बाहिर लेबलमा धनियाँका फाइदा के के भनेर लेख्नुहोस् यसरी नै क्रमश: सबैमा लेख्दै जानुहोस् र प्रयोग गर्दै जानुहोस् र हेर्नुहोस् हजुर नै भान्साको डाक्टर बन्नु हुनेछ ।
