एजेन्सी २ माघ, लिबियाको राजधानी त्रिपोली नजिकै रहेको एक अन्तराष्ट्रिय विमानस्थलमा बन्दुकधारी लडाकु समूह र सरकारी सुरक्षाफौँजबीच भएको झडपमा २० जनाको मृत्यु भएको छ । उक्त दोहोरो भिडन्तमा ६३ जना घाइते भएका छन् ।
जेलमा रहेका आफ्ना समर्थकलाई छुटाउन लडाकूहरुले विमानस्थलमा आक्रमण गरेपछि सरकारी पक्ष र आक्रमणकारी पक्षबीच झडप भएको सरकारी अधिकारीले बताएका छन् । झडपका क्रममा भएको गोलाबारीमा परी ६ वटा विमान प्रभावित भएको जनाइएको छ ।
