![नेपाल लाइफ इन्सुरेन्स](https://i0.wp.com/nepalpatra.com/wp-content/uploads/nepali_life.jpg?fit=800%2C549&ssl=1)
काठमाडौं, २२ वैशाख । नेपाल लाइफ इन्स्योरेन्स कम्पनी लिमिटेडले २० औँ वर्ष प्रवेशको उपलक्ष्यमा आफ्ना कर्मचारीहरुको तर्फबाट आठ लाख ४७ हजार ५०० बराबरको नगद, खाद्यान्न तथा अत्यावश्यक सामग्री सहयोग गरेको छ । उक्त सहयोग सातै प्रदेशका विभिन्न स्थानमा रहेका असहाय महिला, वृद्धवृद्धा तथा अनाथ बालकालिकालाई प्रदान गरेको कम्पनीले जनाएको छ ।
नेपाल लाइफका सम्बन्धित प्रदेशका क्षेत्रीय प्रमुखको नेतृत्वमा कर्मचारीहरुले उक्त सहयोग गरेको कम्पनीले आइतार जारी गरेको विज्ञप्तिमा उल्लेख छ । नेपाल लाइफ विसं २०५८ वैशाख २१ गते स्थापना भई बीमित, सेवाग्राहीहरुलाई निरन्तर सेवा प्रदान गर्दै आइरहेको छ । कम्पनीले यसअघि नै कोरोना भाइरस महामारीको रोकथाम तथा नियन्त्रणका निम्ति नेपाल सरकारले स्थापना गरेको ‘कारोना भाइरस सङ्क्रमण रोकथाम, नियन्त्रण तथा उपचार कोष’ मा रु एक करोड रकम सहयोग गरेको थियो ।
हाल नेपाल लाइफले जीवन बीमा कम्पनीहरूमध्ये करिब एक तिहाइ बजार हिस्सा ओगटेको छ । बिस वर्ष प्रवेश गर्दा नेपाल लाइफको चुक्ता पूँजी जीवन बीमा क्षेत्रकै सर्वाधिक रु पाँच अर्ब ५० करोड रहेको छ भने लगानी रु ८६ अर्ब ३३ करोड रहेको छ । त्यस्तै कम्पनीको जीवन बीमा कोष रु ८२ अर्ब र शेयरधनी कोष रु आठ अर्ब ६० करोडभन्दा बढी रहेको छ ।