१६ असोज, काठमाडौं । फिल्म ‘ड्रिम गर्ल’को ट्रेलर सार्वजनिक भएको छ । मंगलबार राजधानीमा एक कार्यक्रमको आयोजना गर्दै फिल्मको ट्रेलर सार्वजनिक गरिएको हो ।
मंसिर ७ गतेबाट रिलिज हुने फिल्मलाई ऋषिराज आचार्यले निर्देशन गरेका हुन् ।
फिल्ममा आकाश श्रेष्ठ, आश्मा गिरी, विल्सनविक्रम राई, सरोज खनाल, अर्जुन श्रेष्ठ, शिशिर भण्डारी, पूजा पराजुली, निर्मल शर्मा, लक्ष्मी गिरी, रश्मि भट्ट, शूरवीर पण्डितलगायतको अभिनय रहेको छ ।
‘आरबी मुभिज’को ब्यानरमा तयार भएको फिल्ममा ऋषिराज आचार्य, अर्जुन शर्मा र रामेश्वर धितालले संयुक्त लगानी गरेका छन् ।
फिल्मको सहनिर्मातामा दक्षिण भारतको ‘रिल एण्ड रियल सिनेमा’ कम्पनी छ । राहुल राईले खिचेको फिल्मलाई नवीन निरौलाले सम्पादन गरेका हुन् ।
