१५ असोज, काठमाडौँ । सर्जक प्रेम सापकोटाको नयाँ एल्वम ‘दशैं खर्च’ बजारमा आएको हो । दशैंमा प्रदेशमा रहँदाको पीडा र घर परिवारलाई खर्च पठाउन नसकेको समस्यालाई उजार गर्दै सापकोटाको गीत बजारमा आएको हो ।
आफ्नै शब्द संगीतमा सापकोटाले तयार पारेको गीतमा देवी घर्तीले स्वरका लागि साथ दिएकी छन् ।
युट्युव च्यानलमार्फत् बजारमा आएको गीतको म्युजिक भिडियो आरति मिडिया प्रालिले तयार पारेको हो । म्युजिक भिडियो निर्देशन स्मृति तिमिल्सिनाले गरेकी छन् ।
सापकोटाले यसभन्दा अघि समसायीक विषय वस्तुका दुई दर्जन बढी गीत बजारमा ल्याएका छन् । प्रदेशीका दुःख र माया प्रेममा आधारीत गीत धेरै लेखेका सापकोटाका केही गीतहरूले निकै चर्चा पाएका थिए ।
