राम्रो सँग बोल्दैनौ कस्को कुरा सुन्न थाल्यौ !
यता मलाई अल्झाई अन्तै जाल बुन्न थाल्यौ !!
साथमै जीवन बिताउने कसम खाको भुलेर !
कित अचेल मुटुमा अरु कोहि थुन्न थाल्यौ !!
फरक हुँदै गाको छ तिम्रो आनि बानि अचेल !
निको चाला देख्दिन खै कस्लाई चुन्न थाल्यौ !!
मिलाउने भन्दा पनि छुटाईदिने छन यहाँ धेरै !
अन्योलमा दोधारे भै मनमा कुरा गुन्न थाल्यौ !!
अजिब कुरा गर्छौ अचेल के के भन्छौ बुझ्दिन !
कतै मलाई फसाउने ताना बाना तुन्न थाल्यौ !!
