८ भदौ, काठमाडौं । प्रदीप खड्का अभिनित फिल्म ‘रोज’को ट्रेलर सार्वजनिक भएको छ । बिहिबार काठमाडौंमा एक कार्यक्रमको बिच फिल्मको ट्रेलर सार्वजनिक गरिएको हो ।
सार्वजनिक ट्रेलरमा प्रेम, रोदन, द्वन्द्व, थ्रिलर जस्ता सबै पक्षलाई समेटिएको छ । ‘गोपीकृष्ण मुभिज’ र ‘आरोही इन्टरटेन्मेन्ट’को संयुक्त ब्यानरमा निर्मित फिल्म ‘रोज’मा प्रदीपसँगै परमिता आरएल राणा र मिरुना मगरको मुख्य भूमिका रहेको छ ।
भदौ २२ गतेबाट प्रदर्शनमा आउने यस फिल्ममा अर्जुन पोखरेलको संगीत, कविराज गहतराज र रिसव टोट्लानीको कोरियोग्राफी, राजुविक्रम थापाको छायांकन, मित्र डी गुरुङको सम्पादन रहेको छ ।
