८ भदौ, काठमाडौं । भदौ २२ गतेबाट प्रदर्शनमा आउने फिल्म ‘रामकहानी’को गीत रिलिज भएको छ । बिहीबार युट्युबमार्फत फिल्ममा समावेश ‘आए म तिम्रो छेउ’ बोलको गीतको लिरिकल भिडियो सार्वजनिक गरिएको हो ।
गीतमा अर्जुन पोखरेलको संगीत रहेको छ । अर्जुन कै शब्द समावेश उक्त गीतमा सुगम पोखरेल र अन्जु पन्तको स्वर सुन्न सकिन्छ। थ्रिलर लभ स्टोरी फिल्म रामकहानीलाई सुदर्शन थापाले निर्देशन गरेका छन् ।
अर्जुन पोखरेलको संगीत रहेको फिल्ममा महेश दवाडी र दिनेश न्यौपानेको पटकथा तथा संवाद रहेको छ ।
