शोभा काफ्ले खतिवडा
रारा मात्र हैन तिमी हरेक भु-भाग जाऊ !
हेर कति दुखेको छ छाम तिनको घाऊ !!
कतै ज्ञानको मार्ग छैन बाटो पनि छैन !
जीवन केहो बुझाइ दिने कोहि नै छैन !!१
नेपालीका घर आड्गन पुग्न पर्छ तिमी !
नत्र कता थाहा हुन्छ के हो पिडा भनि !!
देश कति दुखेको छ मन त कति कति !
कसरी हुन्छ दुक्ख पिडा अन्त्य कसरी !!२
कता के काम गर्ने देश विकासका लागि !
जनताको पिडा हरण गर्ने होला कसरी !!
युद्द स्तरमा काम गर्ने आदेश देऊ तिमी !
पसिनाको मुल्य देऊ उठोस जीवन गति !!३
आड्ग नाड्गा भोका पेट अन्न कतै छैन !
चिसो छेक्ने मुटु काम्दा वस्त्र केहि छैन !!
जीवन विज्ञानमा कुद्नु पर्ने पत्तो नै छैन !
उनलाई हेर्ने कोहि छ भन्ने थाहा छैन !!४
संविधानको ज्ञान केहो पत्तो अझै छैन !
पिडामाथि पिडाखप्नु सिवाय केहि छैन !!
अन्याय र न्याय के हो विवेक थाहा छैन !
अन्धविश्वास र अज्ञानता बाहेक थाहा छैन !!५
काम दिएर माम दिने उपाय गर्न लगाई !
शिक्षा,स्वास्थ्य दिएर उठाऊ तिनलाई !!
हरेक उमेरका पिडा, ब्यथा नरहोस देशमा !
समृद्द होस हिमाल पाहाड र मधेशमा !!६
सक्छौ भने देशका जनताहरु एक बनाऊ !
केही काख कोही पाखा गर्न नलगाऊ !!
न्याय सेवा जनताको अधिकार बनोस !
देश समृद्द भई कन हरेक मन हाँसोस् !!७
नयाँ वर्ष २०७५ को मड्गलमय शुभकामना !
*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ ।
