झापा, भदौ १० । सशस्त्र प्रहरीको गोली लागेका झापाका १ जनाको मृत्यु भएको छ । जिल्लाको झापा गाउँपालिकामा स्थानीय र प्रहरीबीच झडप भएको थियो ।
सशस्त्र प्रहरीले गोली चलाएको थियो । गोली लागेर स्थानीय ३८ वर्षीय रसिकुल आलमको मृत्यु भएको जिल्ला प्रहरी कार्यालयले बताएको छ ।
गोरु काटेको अभियोगमा पक्राउ परेका २ जनालाई विर्तामोडतर्फ ल्याउँदै गर्दा स्थानीय र प्रहरीबीच झडप भएको थियो । सशस्त्र प्रहरीले हवाई फायर गरेको जनाएको थियो । तर गोली लागेर १ जनाको मृत्यु भएको छ ।
