मोर्चाले आन्दोलनका क्रममा पक्राउ परेका पाँच सयको मुद्दा फिर्ता लिन आग्रह Nepalpatra मोर्चाले आन्दोलनका क्रममा पक्राउ परेका पाँच सयको मुद्दा फिर्ता लिन आग्रह
१४ मंसिर २०७९, बुधबार

मोर्चाले आन्दोलनका क्रममा पक्राउ परेका पाँच सयको मुद्दा फिर्ता लिन आग्रह


madhesh andolan

काठमाडौ । संयुक्त लोकतान्त्रिक मधेसी मोर्चाले आन्दोलनका क्रममा पक्राउ परेका ४९१ जनाको मुद्दा फिर्ताका लागि सरकारलाई सूची बुझाएको छ ।

सरकारसँग समन्वय गर्न गठित मोर्चाको कार्यदलले आज गृह मन्त्रालयमा सूची बुझाएको मोर्चाको एक घटक सद्भावना पार्टीका महासचिव मनीष सुमनले राससलाई जानकारी दिनुभयो । उहाँका अनुसार मोर्चाको टोलीले मुद्दा फिर्ताको सूची गृह मन्त्रालयका सहसचिव कृष्णबहादुर राउतलाई बुझाएको हो ।

मोर्चाले १६ जना बाँकी सहिदबारे मन्त्रालयको स्मरण गराउँदै दुई हजार घाइतेमध्ये अहिलेसम्म १९ जनाले मात्र उपचार खर्च पाएकाले बाँकी सबै घाइतेलाई उपचार खर्च दिन ताकेता गरेको छ ।

आन्दोलनका क्रममा अङ्गभङ्ग भएकाको जीवनपर्यन्त भरणपोषण गर्न पनि सरकारको ध्यानाकर्षण गराइएको महासचिव सुमनले बताउनुभयो । त्यसैगरी न्यायिक छानबिन आयोगलाई छिटोभन्दा छिटो पूर्णता दिई काम थाल्न मोर्चाले आग्रह गरेको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !