![मधेस सरकारबाट बाहिरियो एकीकृत समाजवादी](https://i0.wp.com/nepalpatra.com/wp-content/uploads/2024/06/Koshi-Ekikrit-Samajbadi-Party.jpg?fit=1024%2C521&ssl=1)
काठमाडौं । नेकपा (एकीकृत समाजवादी) मधेस प्रदेश सरकारबाट बाहिरिएको छ । एकीकृत समाजवादीका दुई मन्त्रीले राजीनामा बुझाएका हुन् ।
एकीकृत समाजवादीको तर्फबाट भूमिव्यवस्था, कृषि तथा सहकारीमन्त्री गोविन्दबहादुर न्यौपाने र श्रम तथा यातायातमन्त्री बेची लुंगेली दुवैजनाले मंगलबार साँझ राजीनामा बुझाएका हुन् ।
जसपा नेपाल नेतृत्वको सरकारबाट बाहिरिने र सरकारलाई दिएको समर्थन पनि फिर्ता लिने निर्णय भएको श्रम तथा यातायात मन्त्री लुंगेलीले जानकारी दिइन् ।
मधेसमा जसपा नेपालको सरकार ढालेर जनमतको नेतृत्वमा नयाँ सरकार बनाउन नेकपा (एमाले), माओवादी केन्द्रसहित तीन दलले लिखित सहमति गरेका थिए । १०७ सदस्यीय प्रदेश सभामा सरकार बनाउन ५४ जना सांसदको समर्थन आवश्यक छ ।