![माओवादीको पदाधिकारी बैठक](https://i0.wp.com/nepalpatra.com/wp-content/uploads/2023/02/Maoist-Padadhikari-Baithak-Preish-Danda34.jpg?fit=1320%2C741&ssl=1)
काठमाडौँ । सत्तारुढ दल नेकपा (माओवादी केन्द्र) ले विधान सम्मेलन फागुन पहिलो साता गर्ने भएको छ । आज बिहीबार बिहान प्रधानमन्त्री निवास बालुवाटारमा बसेको माओवादी केन्द्रको पदाधिकारी बैठकले फागुन पहिलो साता पार्टीको विधान सम्मेलन गर्ने निर्णय गरेको हो ।
यसका लागि विधान मस्यौदा समिति पनि गठन गरिएको माओवादी केन्द्रका एक नेताले बताए । विधान मस्यौदा समितिमा पार्टीका उपाध्यक्ष पम्फा भुसाल, महासचिव देव गुरुङ, उपमहासचिवहरू गिरिराजमणि पोखरेल, वर्षमान पुन र जनार्दन शर्मा तथा सचिवहरू गणेश शाह र राम कार्की रहेका छन् ।
विधान सम्मेलनअघि केन्द्रीय कमिटी बैठक बस्नेछ र विधान मस्यौदा समितिले तयार पारेको मस्यौदालाई केन्द्रीय कमिटीले अनुमोदन गरेपछि विधान सम्मेलनमा प्रस्तुत गरिनेछ ।