पार्टीमा गम्भीर संकट पैदा भएको भन्दै गोकर्ण विष्टले लेखे कडा स्टाटस Nepalpatra पार्टीमा गम्भीर संकट पैदा भएको भन्दै गोकर्ण विष्टले लेखे कडा स्टाटस
३० बैशाख २०७८, बिहिबार

पार्टीमा गम्भीर संकट पैदा भएको भन्दै गोकर्ण विष्टले लेखे कडा स्टाटस


गोकर्ण विष्ट

काठमाडौं । नेकपा एमालेका नेता गोकर्ण विष्टले कारबाहीका शृखंलाहरुले पार्टी एकतामा गम्भीर संकट पैदा गरेको बताएका छन्। उनले संवादहीनता र कारबाहीको बाटो कुनैपनी हालतमा समाधान हुन नसक्ने बताएका छन्।

उनले अदालतको फैसला बमोजिम एमालेलाई नेकपा एकतापूर्वको अवस्थामा फर्काएर पार्टीलाई विचार र विधिबाट संचालन गरेर नै एकता जोगाउन सकिने बताएका छन्। एउटा इमान्दार कार्यकर्ताको लागि पदीय हैसियत भन्दा पार्टी र आन्दोलनको भविष्य सधैं माथी हुने उनले बताएका छन्।

सामाजिक संजाल फेसबुकमा उनले लेखेका छन्, “विगत केहि समय यता नेकपा एमालेमा देखापरेका समस्याहरुको समाधानकालागि संयमीत र जिम्मेवारीपूर्ण पहल गर्नुको साटो एकपछि अर्को एकतर्फी र बिनाकारण सांसदहरुमाथी कारबाहीका घटनाहरु अघि बढाइएको छ । यस्ता कारबाहीका शृखंलाहरुले पार्टी एकतामा गम्भीर संकट पैदा गरेको छ । संवादहीनता र कारबाहीको बाटो कुनैपनी हालतमा समाधान हुन सक्दैन । अदालतको फैसला बमोजिम एमालेलाई नेकपा एकतापूर्वको अवस्थामा फर्काएर पार्टीलाई विचार र विधिबाट संचालन गरेर नै एकता जोगाउन सकिन्छ । एउटा इमान्दार कार्यकर्ताको लागि पदीय हैसियत भन्दा पार्टी र आन्दोलनको भविष्य सधैं माथी हुन्छ । यसर्थ एमालेका नेता, कार्यकर्ता, समर्थक र शुभचिन्तकको चाहना बमोजिम एकतापूर्वको एमालेका सम्पूर्ण आधिकारिक कमिटीहरु ब्युँताएर विधि मार्फत समाधान खोज्न म आग्रह गर्दछु । पार्टी एकताको रक्षा गरौं ।”


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !