![प्रधानमन्त्री देउवाबाट दिवङ्गत गिरीप्रति श्रद्धाञ्जली अर्पण](https://i0.wp.com/nepalpatra.com/wp-content/uploads/2022/08/Sher-Bahadur-Deuba-sardhanjali-Pradip-Giri.jpg?fit=1024%2C683&ssl=1)
काठमाडौँ । नेपाली कांग्रेसका दिवङ्गत नेता, समाजवादी चिन्तक, पूर्व केन्द्रीय सदस्य एवं सांसद प्रदीप गिरीको निधनप्रति प्रधानमन्त्री शेरबहादुर देउवालगायत विभिन्न पार्टीका शीर्ष नेताहरुले गहिरो दु:ख व्यक्त गर्दै श्रद्धाञ्जली दिएका छन् ।
आज आइतबार कांग्रेसका नेता गिरीप्रति पार्टी कार्यालय सानेपामा पुगेर प्रधानमन्त्री देउवासहित विभिन्न पार्टीका शीर्ष नेताहरुले श्रद्धाञ्जली अर्पण गरेका हुन् ।
ललितपुरको भैँसेपाटीस्थित मेडिसिटी अस्पतालमा उपचारको क्रममा निधन भएका गिरीको पार्थिव शरीरमा पूर्वराष्ट्रपति रामवरण यादव लगायत विभिन्न पार्टीका नेताहरुले पनि श्रद्धाञ्जली अर्पण गरेका थिए ।
घाँटीको क्यान्सरबाट पीडित नेता गिरीको गएराति ९ः३० बजे ललितपुरको नख्खुस्थित मेडिसिटी अस्पतालमा ७४ वर्षको उमेरमा असामयिक निधन भएको थियो । गिरीको आजै पशुपति आर्यघाटमा अन्त्येष्टि गरिने जनाइएको छ ।
तस्वीर सौजन्य : प्रदीपराज वन्त, रत्न श्रेष्ठ र रोशन सापकोटा, रासस