२६ फागुन, झापा । त्रिभुवन आर्मी क्लब झापा गोल्डकपको फाइनलमा प्रवेश गरेको छ ।
आज भएको दोस्रो सेमिफाइनलमा मनाङ मर्स्याङ्दी क्लबलाई एक–शून्य गोल अन्तरले पराजित गर्दै आर्मीले फाइनलको यात्रा तय गरेको हो ।
खेलको सुरुवातमै आर्मीका नवयुग श्रेष्ठले गरेको गोल नै निर्णायक बन्यो ।
आजको खेलको म्यान अफ द म्याच आर्मीका गोलकिपर विकेश कुथु घोषित भए । उनले नगद २५ हजार हात पारेका छन् ।
अब उपाधिका लागि आर्मी र झापाको भिडन्त सोमबार हुने आयोजकले जनाएको छ ।
