सर्लाहीको गोडौतामा दुई समूहबीच झडप, एक जनाको मृत्यु Nepalpatra सर्लाहीको गोडौतामा दुई समूहबीच झडप, एक जनाको मृत्यु
१४ मंसिर २०७९, बुधबार

सर्लाहीको गोडौतामा दुई समूहबीच झडप, एक जनाको मृत्यु


मृत

सर्लाही । सर्लाही जिल्लाको गोडौतामा दुई समूहबीच झडप हुँदा एक जनाको मृत्यु भएको छ भने अन्य चार जना घाइते भएका छन् ।

सर्लाहीको गोडैता नगरपालिका–६ मा गएराति भएको झडपमा एक जनाको ज्यान गएको हो । गएराति १० बजेतिर दुई पक्षबीच झडप हुँदा ढुङ्गा हानाहान भएको थियो ।

दुई समूहबीच झडप ढुङ्गा लागेर घाइते भएका स्थानीय बासिन्दा ६५ वर्षका रामकेबल रायको ज्यान गएको जिल्ला प्रहरी कार्यालय सर्लाहीले जानकारी दिएको छ ।

घाइते भएका अन्य चार जनामध्ये एक जनाको जनकपुर र तीन जनाको सर्लाहीमा उपचार जारी रहेको छ । घटनामा संलग्न रहेको आरोपमा एक जनालाई पक्राउ गरिएको प्रहरीले बताएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !