एजेन्सी, २३ जेठ । कोपा अमेरिकाको तयारीका लागि बिहिबार बिहान भएको मैत्रीपुर्ण खेलमा ब्राजिलसँग कतार २–० ले पराजित भएको छ ।
उक्त खेलमा ब्राजिलले सहज जित हात पारेपनि नेइमार घाइते भएका छन् । यसअघि घुँडामा लागेको चोट पुनः बल्जिएपछि नेइमारले २२औं मिनेटमा मैदान छाडेका थिए ।
ब्राजिलले एसियन कप च्याम्पियन कतारसँग मैत्रीपुर्ण म्याच खेलेको थियो । ब्राजिलले जुन १४ मा बोलिभियासंग खेल्दै प्रतियोगिताको सुरुवात गर्नेछ ।
