अम्बिका बस्नेत 
पृष्ठभूमि र जन्म
देउवा नेतृत्वको सरकारमा नेपाली काँग्रेसकी सांसद अम्बिका बस्नेतले सहकारी तथा गरिबी निवारण मन्त्रालयको जिम्मेवारी सम्हालेकी छन् । पटकपटक राजनीतिक बन्दीको रुपमा जेल जीवन बिताएकी बस्नेतले नोना कोइराला नेतृत्वमा रहेको महिला विभागमा समेत बसेर काम गरिसकेको अनुभव छ ।
कोइराला परिवारको संगतमा राजनीतिमा प्रवेश गरेकी बस्नेतको जन्म २००७ मा काठमाडौं जिल्लाको का.म.पा–६ मा भएको हो । उनका बाबुको नाम शिवध्वज बस्नेत र आमाको नाम कपिल कुमारी बस्नेत हो । उनी अविवाहित हुन् ।
शिक्षा
बस्नेतले अर्थशास्त्रमा स्नातक तह तहसम्मको अध्ययन गरेकी छिन् ।
राजनीतिक यात्रा
१. वि.सं. २०२९ देखि राजनीतिमा प्रवेश ।
२. २०३६ सालमा विद्यार्थी राजनीतिमा प्रवेश ।
३. २०४२ सालको सत्याग्रहमा सक्रिय भई पटक पटक बन्दी जीवन ।
४. नेपाली कांग्रेसको राजनीतिमा २०४६ देखि सक्रिय ।
५. पटकपटक राजनीतक बन्दीको रुपमा जेल जीवन ।
६. २०५६ सालको संसदीय चुनावमा हालकी राष्ट्रपति विद्यादेवी भण्डारीसँग काठमाडौंमा पराजित ।
७. २०५९ सालमा नेपाल महिला संघको केन्द्रीय सदस्यमा निर्वाचित ।
८. २०६१ सालमा काठमाडौँ कांग्रेसको जिल्ला सदस्य ।
९. नेपाल महिला संघको पूर्व अध्यक्ष ।
१०. पार्टीको १२ औँ र १३ औँ महाधिवेशनमा केन्द्रीय सदस्यमा निर्वाचित ।
११. संविधान सभा २०६४ को सभासद ।
१२. संविधान सभा २०७० को सभासद ।
विदेश भ्रमण
अमेरिका, बेलायत, चिन, हङकङ्ग र भारत ।
