पृष्ठभूमि र जन्म
देउवा नेतृत्वको सरकारमा नेपाली काँग्रेसका सांसद महेन्द्र यादवले खानेपानी तथा सरसफाई मन्त्रालयको जिम्मेवारी सम्हालेका छन् । विगतमा नेपाली कांग्रेसको भातृ संगठन नेपाल तरुणदलको निर्विवाद अध्यक्ष यादव कांग्रेसका प्रभावशाली नेता बिमलेन्द्र निधिका विश्वास पात्र हुन् ।
महेन्द्र यादवको जन्म २०१९ भदौ २ गते धनुषा जिल्लाको सपही–१ मा भएको हो । उनका बाबुको नाम दिप नारायण यादव र आमाको नाम दिबसमैन यादव हो । उनकी श्रीमतीको नाम विना यादव हो ।
शिक्षा
यादवले बिज्ञान सकायको गणितशास्त्रमा स्नातकोत्तर तहसम्मको अध्ययन गरेका छन् । विभिन्न लेखहरु पत्रपत्रिकामा प्रकाशित छन् ।
राजनीतिक यात्रा
१ वर्ष बन्दी जीवन र ३ महिना भूमिगत जीवन बिताएका हाल यादव कांग्रेस केन्द्रीय सदस्य छन् । बालकृष्ण खाँड तरुण दलको अध्यक्ष हुँदा उपाध्यक्ष रहेका थिए।
१. वि.सं. २०३५ सालदेखि राजनीतिमा प्रवेश ।
२. नेपाल तरुण दलबाट कांग्रेस राजनीतिमा सक्रिय ।
३. नेपाल तरुण दलको केन्द्रीय सदस्य, महासचिव हुँदै कांग्रेस प्रजातान्त्रिकको तरुण दल अध्यक्ष ।
४. नेपाल तरुण दलको अध्यक्ष हुँदा उपाध्यक्ष ।
५. एकीकृत तरुण दलको पनि अध्यक्ष भएका ।
६. नेपाल विद्यार्थी संघका पूर्व उपाध्य क्ष रहेर समेत काम गरेका ।
७. पार्टीको १२ औँ र १३ औँ महाधिवेशनमा पार्टी केन्द्रीय सदस्यमा निर्वाचित ।
८. २०६४ र २०७० सालको संविधानसभा निर्वाचनमा समानुपातिक सांसद ।
विदेश भ्रमण
भारत, बंगलादेश, जर्मनी, हंगेरी, अष्ट्रिया, फिनल्याण्ड, नर्वे, दक्षिण अफ्रिका, चिन, बेल्जियम र थाइल्याण्ड ।
