फाइल फोटो 
काठमाडौं । नेकपा (माओवादी केन्द्र) का अध्यक्ष समेत प्रधानमन्त्री पुष्पकमल दाहाल ‘प्रचण्ड’ ले राष्ट्रपति निर्वाचनका विषयमा छलफल जारी रहेकोले भोलि नेकपा (एमाले) का अध्यक्ष केपी शर्मा ओलीसँग कुरा गर्ने बताएका छन् ।
सिंहदरबारस्थित माओवादी केन्द्रको संसदीय दलको कार्यालयमा जनता समाजवादी पार्टी (जसपा) नेपाल र नेकपा (एकीकृत समाजवादी) का नेताहरुसँगको छलफलपछि बाहिर निस्किदा पत्रकारहरुसँग कुरा गर्दै प्रधानमन्त्री प्रचण्डले राष्ट्रपति निर्वाचनका विषयमा शुक्रबार दिउँसो एमालेका अध्यक्ष ओलीसँग निर्णायक वार्ता गर्ने भएका हुन् ।
प्रचण्डले राष्ट्रपतिको विषयमा सबैसँग छलफल जारी रहेको भन्दै सहमति भने नजुटेको बताएका हुन् । उनले नेकपा ब्युँताउने वा पुरानो गठबन्धन ब्युँताउने भन्नेबारे अझसम्म केही टुंगो नभएको पनि बताए ।
बिहीबार साँझ चुनावी गठबन्धन ब्यूँताउने विषयमा छलफल गर्न तीन दलका नेताहरबीच छलफल भएपनि बैठक बिनानिष्कर्ष टुंगिएको हो । उनले शुक्रबार कांग्रेस सभापति शेरबहादुर देउवासँग पुन: छलफल गर्ने भएका छन् ।
