सर्वोच्चले राष्ट्रपतिलाई सोध्यो नागरिकता विधेयक प्रमाणीकरण नगर्नुको कारण Nepalpatra सर्वोच्चले राष्ट्रपतिलाई सोध्यो नागरिकता विधेयक प्रमाणीकरण नगर्नुको कारण
१४ मंसिर २०७९, बुधबार

सर्वोच्चले राष्ट्रपतिलाई सोध्यो नागरिकता विधेयक प्रमाणीकरण नगर्नुको कारण


न्यायाधीश हरिप्रसाद फुयाल

काठमाडौं । सर्वोच्च अदालतले नागरिकता विधेयक प्रमाणीकरण नगर्ने राष्ट्रपति विद्यादेवी भण्डारीको निर्णयविरुद्काे रिटमा कारण देखाउ आदेश जारी गरेको छ ।

सर्वोच्च अदालतका न्यायाधीश हरिप्रसाद फुयालको एकल इजलासले रिटलाई अग्राधिकार दिँदै राष्ट्रपतिसँग नागरिकता विधेयक प्रमाणीकरण नगर्नुको कारणबारे लिखित जवाफ माग गरेको हो ।

न्यायाधीश फुयालको एकल इजलासले बहसबिना नै अग्राधिकार प्रदान गर्दै रिटहरुमा अन्य कुनै आदेश माग नगरिएको हुँदा सिधै कारण देखाउ आदेश जारी गरेका हो ।

अधिवक्ता सागर बराल तथा सौगातराज बराल, अविनेश अधिकारी, सम्पूर्ण बस्नेत र सुनिल रञ्जनसिंहलगायतले संघीय संसदका दुवै सदनबाट पारित भएको नागरिकता विधेयकमा राष्ट्रपतिले उठाएको कदम संविधान विपरित भएको भन्दै सर्वोच्चमा रिट दिएका थिए ।

अदालतमा भोलि सोमबारदेखि दसैँको बिदा लागु हुने र बन्दी प्रत्यक्षीकरणको रिटबाहेक सुनुवाइ नहुने हुँदा अब उक्त रिटमाथि दसैँ पछाडि मात्र पेसी हुनेछ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !