पूर्वराज्यमन्त्री संजय साहको जन्मकैद फैसला उच्च अदालतद्वारा सदर Nepalpatra पूर्वराज्यमन्त्री संजय साहको जन्मकैद फैसला उच्च अदालतद्वारा सदर
१५ आश्विन २०७९, शनिबार

पूर्वराज्यमन्त्री संजय साहको जन्मकैद फैसला उच्च अदालतद्वारा सदर


संजय साह

जनकपुर । पूर्वराज्यमन्त्री संजय साहको जन्मकैद फैसला उच्च अदालत जनकपुरले सदर गरेको छ । उद्यमी अरुण सिंघानिया हत्या मुद्दामा पूर्व राज्यमन्त्री साहलाई जिल्ला अदालत धनुषाले गरेको जन्मकैदको फैसलालाई उच्च अदालत जनकपुरले आज सदर गरेको हो ।

उच्च अदालत जनकपुरले सिंहानिया हत्याको मुख्य योजनाकार साहलाई जन्मकैदको सजाय दिने फैसलालाई सदर गरेको हो । न्यायधिश प्रमोदकुमार श्रेष्ठ र डालकुमार खडकाको संयुक्त इजलासले जिल्ला अदालत धनुषाको फैसलालाई सदर गर्दै फैसला सुनाएका हो ।

२०६९ वैशाख १८ गते मिथिला राज्यको माग गर्दै रामानन्द चोकमा बसेको धर्नालाई लक्षित गरी बम विस्फोट गराउँदा मिथिला नाट्य कला परिषदका कलाकार रञ्जु झासहित ५ जनाको मृत्यु भएको थियो भने ४० जनाभन्दा बढी व्यक्ति घाइते भएका थिए ।

साहलाई जनकपुरको रामानन्द चोक बम विस्फोट र २०६६ फागुन १७ गते सञ्चार उद्यमी सिंघानिया हत्याका मुख्य योजनाकार भएको अभियोग लगाइएको थियो । जनकपुर बम विस्फोटका मुख्य अभियुक्तको आरोपमा पूर्व राज्यमन्त्री साह हाल नख्खु कारागारमा जेल जीवन बिताइरहेका छन् ।

सिंघानिया हत्याको मुद्दामा जिल्ला अदालत धनुषाले २०७६ असार १७ गते साहसहितलाई जन्मकैद फैसला सुनाएको थियो । साहले फैसलाप्रति असन्तुष्टि जनाउँदै २०७६ असोज ७ गते उच्च अदालत जनकपुरमा पुनरावेदन दिएका थिए ।

उनी धनुषा क्षेत्र ३ बाट संविधानसभाको दुवै निर्वाचनमा विजयी भएका थिए । पहिलो पटक तत्कालीन मधेसी जनअधिकार फोरमबाट र दोस्रो पटक तत्कालीन सद्भावना पार्टीबाट चुनाव जितेका उनलाई सभासद्‌ रहेकै बेला दिल्लीबाट पक्राउ गरी ल्याइएको थियो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !