माओवादी केन्द्रको स्थायी कमिटी बैठक स्थगित, भोलि बिहान बस्ने Nepalpatra माओवादी केन्द्रको स्थायी कमिटी बैठक स्थगित, भोलि बिहान बस्ने
२० मंसिर २०७९, मंगलबार

माओवादी केन्द्रको स्थायी कमिटी बैठक स्थगित, भोलि बिहान बस्ने


माओवादी स्थायी कमिटी बैठक

काठमाडौँ । सत्ता साझेदार दल नेकपा (माओवादी केन्द्र) को आज बस्ने भनिएको स्थायी कमिटी बैठक स्थगित भएको छ । माओवादी केन्द्रको स्थायी कमिटी बैठक भोलि बिहान ८ बजे पार्टी कार्यालय पेरिसडाँडामा बस्ने भएको हो ।

अध्यक्ष पुष्पकमल दाहाल ‘प्रचण्ड’ को सचिवालयले अध्यक्षको कार्यव्यस्थताका कारण बैठक सरेको बताएको छ । आज बस्ने भनिएको बैठकमा आसन्न निर्वाचनको रणनीति, डा. बाबुराम भट्टराई नेतृत्वको नेपाल समाजवादी पार्टी (नेसपा) सँगको सहकार्यलगायतका विषयमा छलफल बताइएको थियो ।

डा. भट्टराईले आगामी प्रतिनिधि सभा र प्रदेश सभा निर्वाचनमा माओवादी केन्द्रको चुनाव चिह्न लिएर प्रतिस्पर्धा गर्न माओवादी अध्यक्ष पुष्पकमल दाहाल प्रचण्डसँग मौखिक सहमति जनाएका छन् ।

उक्त मौखिक सहमतिलाई लिखित रुपमा औपचारिकता दिने तयारी लिखित सहमति गर्ने तयारीका साथ गृहकार्य भइरहेको नेसपाका एक नेताले बताए ।साथै सत्ता गठबन्धनको सिट बाँडफाँट कार्यदलको बैठक पनि आज बस्दैछ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !