काँग्रेसले सभापति देउवालाई दियो 'उम्मेदवार मनोनयन औपचारिक पत्र’ पठाउने जिम्मेवारी Nepalpatra काँग्रेसले सभापति देउवालाई दियो 'उम्मेदवार मनोनयन औपचारिक पत्र’ पठाउने जिम्मेवारी
१५ आश्विन २०७९, शनिबार

काँग्रेसले सभापति देउवालाई दियो ‘उम्मेदवार मनोनयन औपचारिक पत्र’ पठाउने जिम्मेवारी


शेरबहादुर देउवा

काठमाडौं । प्रमुख सत्तारुढ दल नेपाली कांग्रेसले सभापति शेरबहादुर देउवालाई ‘उम्मेदवार मनोनयन औपचारिक पत्र’ पठाउने जिम्मेवारी दिएको छ ।

सानेपास्थित केन्द्रीय कार्यालयमा बसेको कांग्रेसको केन्द्रीय कार्यसम्पादन समितिको बैठकले प्रतिनिधि सभा र प्रदेश सभा निर्वाचनमा पार्टीका उम्मेदवारलाई ‘उम्मेदवार मनोनयन औपचारिक पत्र’ दिन प्रधानमन्त्री समेत रहेका पार्टी सभापति देउवालाई जिम्मेवारी दिएको हो ।

आगामी भदौ १० गतेदेखि २४ गतेसम्म कांग्रेसले निर्वाचन केन्द्रित राष्ट्रव्यापी अभियान चलाउने भएको छ । काँग्रेसले निर्वाचन केन्द्रित राष्ट्रव्यापी अभियान चलाउने मिति तय गरेको हो ।

आसन्न प्रतिनिधि सभा र प्रदेश सभा निर्वाचनलाई लक्षित गर्दै ‘राष्ट्रव्यापी अभियान–२०७९’ भदौ १० देखि २४ गतेसम्म सञ्चालन गर्ने भएको हो । यसअघि भदौ २ देखि गर्ने भनिएको सो अभियानको मिति परिवर्तन गरिएको हो ।

यसैगरी बैठकले प्रतिनिधि सभा र प्रदेश सभा निर्वाचनका लागि निर्वाचन आयोगमा दल दर्ता गनेै निर्णय पनि गरेको छ । सोका लागि केन्द्रिय कार्यलयका मुख्यसचिव कृष्णप्रसाद पौडेललाई जिम्मेवारी दिएको छ ।

प्रतिनिधि सभा र प्रदेश सभाको निर्वाचनका लागि प्रत्यक्ष र समानुपातिक दुवै तर्फका उम्मेदवारको नाम पार्टीको विधान बमोजिम प्रक्रिया पुर्याएर सिफारिस गर्न पनि बैठकले निर्देशन दिएको हो । आज बैठक जम्मा ५ मिनेट बसेको थियो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !