फाइल फोटो 
काठमाडौं । सत्ता साझेदार दल नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’को सचिवालयले नेपाल ‘एक चीन नीति’प्रति प्रतिवद्ध रहेको बताएको छ ।
प्रचण्डका स्वकीय सचिव रमेश मल्लले सामाजिक सञ्जाल ट्वीटरमा लेख्दै ताइवानमा घटित पछिल्ला घटनाक्रमप्रति माओवादी केन्द्रको गम्भीर ध्यानाकर्षण भएको उल्लेख गरेका छन् ।
उनले हाम्रो देश नेपाल र हाम्रो पार्टी नेपाल कम्युनिस्ट पार्टी (माओवादी केन्द्र) एक चीन नीतिप्रति प्रष्ट रहेको भन्दै चीनको राष्ट्रिय एकताप्रति बाधा हुने कुनै पनि गतिविधिप्रति पार्टीको विरोध रहने बताएका छन् ।
आज जापान जानुअघि अध्यक्ष प्रचण्डको सचिवालयले वक्तव्य जारी गर्दै ताइवानको पछिल्लो घटनाक्रमप्रति गम्भीर ध्यानाकर्षण भएको बताएको हो ।
चीनको विरोधका बाबजुत अमेरिकी संसद्की सभामुख न्यान्सी पोलिसीले ताइवानको भ्रमण गरेपछि चीनले ताइवान सीमा क्षेत्रमा मिसाइल परिक्षण गरेर युद्ध अभ्यास जारी राखेको छ ।
उनले लेखेका छन्, ‘ताइवानमा घटित पछिल्ला घटनाक्रमप्रति हाम्रो गम्भीर ध्यानाकर्षण भएको छ। हाम्रो देश नेपाल र हाम्रो पार्टी नेपाल कम्युनिस्ट पार्टी (माओवादी केन्द्र) एक चीन नीतिप्रति प्रष्ट छ। चीनको राष्ट्रिय एकता प्रति बाधा हुने कुनै पनि गतिविधिप्रति हाम्रो विरोध रहन्छ।’
ताइवानमा घटित पछिल्ला घटनाक्रमप्रती हाम्रो गम्भीर ध्यानाकर्षण भएको छ। हाम्रो देश नेपाल र हाम्रो पार्टी नेपाल कम्युनिस्ट पार्टी (माओवादी केन्द्र) एक चीन नितिप्रती प्रष्ट छ। चीनको राष्ट्रिय एकता प्रति बाधा हुने कुनै पनि गतिविधिप्रती हाम्रो विरोध रहन्छ।
– अध्यक्ष कमरेडको सचिवालय— Ramesh Malla (@Rameshmalla035) August 5, 2022
