निर्वाचनपछि एमालेको सरकार बनाउनुपर्नेमा एमाले अध्यक्ष ओलीको जोड Nepalpatra निर्वाचनपछि एमालेको सरकार बनाउनुपर्नेमा एमाले अध्यक्ष ओलीको जोड
११ आश्विन २०७९, मंगलबार

निर्वाचनपछि एमालेको सरकार बनाउनुपर्नेमा एमाले अध्यक्ष ओलीको जोड


केपी शर्मा ओली फाइल फोटो

काठमाडौं । प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले आगामी प्रतिनिधिसभाको निर्वाचनपछि एमालेको सरकार बनाउनुपर्नेमा जोड दिएका छन् ।

आज बुधबार बागमती प्रदेशस्तरीय बृहत भेला तथा प्रशिक्षण कार्यक्रमलाई सम्बोधन गर्दै अध्यक्ष ओलीले आगामी निर्वाचनबाट एमाले सरकारमा फर्किनुपर्ने भएकोले तयारी गर्न कार्यकर्ताहरुलाई निर्देशन दिएका हुन् ।

ओलीले आगामी मंसिरमा संसदीय निर्वाचन गर्नैपर्ने र ठूलो दल भएर एमालेको सरकार बनाउनुपर्नेमा जोड दिएका हुन् । राष्ट्रियता, लोकतन्त्र, जनजीविकाको प्रश्न, राष्ट्रिय हितलाई अघि बढाउने विषय एमालेले मात्र पूरा गर्न सक्ने उनको तर्क छ ।

उनले भ्रष्टाचार र बेथितिविरुद्ध संघर्ष गर्नुपर्ने र जनतालाई सरकारले दिएका पीडालाई अन्त्य गर्नुपर्नेमा पनि कार्यकर्तालाई निर्देशन दिए । उनले अहिलेको देउवा नेतृत्वको गठबन्धन सरकारले विभिन्न बहाना बनाएर निर्वाचनको मिति पछि सार्ने प्रयास गरिरहेको ओलीले आरोप समेत लगाए ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !