काठमाडौँ । सत्ता साझेदार दल नेकपा (माओवादी केन्द्र) ले स्थायी समितिको बैठक बोलाएको छ । माओवादी केन्द्रले भोलि शनिवार बिहान ८ बजे स्थायी समिति बैठक बोलाएको हो ।
स्थायी समिति निर्वाचित भएपछि पहिलोपटक अध्यक्ष पुष्पकमल दाहाल प्रचण्डको निवास खुमलटारमा बैठक बस्ने भएको हो । बैठकमा अखिल क्रान्तिकारीमा देखिएको विवादका विषयमा छलफल हुने बताइएको छ ।
अखिल क्रान्तिकारीमा पञ्चा सिंह नेतृत्वको कमिटीले पूर्णता पाएपनि पवन कार्की पक्षले समानान्तर कमिटी बनाएपछि बैठकमा छलफल हुने भएको हो । यस्तै पार्टी पदाधिकारीका विषयमा स्थायी समितिमा छलफल हुने बुझिएको छ ।
