पार्टी घोषणा भएको एक साता नपुग्दै वामदेव गौतम संयोजकबाट निष्कासित Nepalpatraपार्टी घोषणा भएको एक साता नपुग्दै वामदेव गौतम संयोजकबाट निष्कासित
३० श्रावण २०७९, सोमबार

पार्टी घोषणा भएको एक साता नपुग्दै वामदेव गौतम संयोजकबाट निष्कासित


बामदेव गौतम

काठमाडौं । नेकपा एकता राष्ट्रिय अभियानका संयोजक वामदेव गौतम पार्टीबाट निष्कासित भएका छन् । पार्टी घोषणा भएको एक साता नपुग्दै गौतम संयोजकबाट निष्कासित भएका हुन् ।

उक्त अभियानमा आबद्ध रहेका चार दलको बहुमतबाट गौतमलाई निष्कासन गरी युवराज सफललाई संयोजक बनाइएको घोषणा गरिएको हो । आज शनिबार राजधानीको एक पार्टी प्यालेसमा बसेको उक्त चार पार्टीको शीर्ष नेताको बैठकले गौतमलाई निष्कासन गरी सफलको संयोजकत्वमा सचिवालय समिति गठन गरिएको छ ।

पार्टीमा आबद्ध समाजवादी केन्द्र नेपाल, आधुनिक नेपाल समाजवादी पार्टी, नेकपा (राष्ट्रवादी) र आम नेपाली पार्टीका अध्यक्षहरूले गौतमलाई निष्कासन गरेको नेता सफलले जानकारी दिए । अभियानको ६९ सदस्यीय केन्द्रीय समितिको बहुमत आफूहरूसँग रहेको भन्दै उनीहरूले गौतमलाई ५ बुँदे आरोप लगाएका छन् ।

गौतममाथि सांगठनिक अराजकता, निरंकुशत, तानाशाी शैली, चरम अवसरवादी चरित्र र अराजनीतिक व्यवहार प्रस्तुत गरेको आरोप छ । त्यस्तै अहंकारी सोँच र एकलौटी निर्णय गरिएको, जालझेल, छलछाम, षड्यन्त्र र तिकडमबाजी कार्यशैली अपनाइएको उनीमाथि आरोप लगाइएको छ ।

उनले केपी ओली, प्रचण्ड, माधव नेपाल लगायतका नेताहरूलाई भेटेर वाम एकताको प्रस्ताव राखेलगत्तै एकलौटी गरेको भन्दै चार घटकले निष्कासन गरेका हुन् । त्यस्तै नेकपा एकता राष्ट्रिय अभियानमा आबद्ध दलहरुको आडमा शक्ति बनाइ सो शक्ति चरम दुरुपयोग गरी उल्टो उल्लेखित शक्तिलाई सिध्याउने गतिविध गरेको आरोप लगाइएको छ ।

११ सदस्यीय सचिवालयमा कृष्णगोपाल बञ्जरा, मीननाथ देवकोटा, नीलकण्ठ पौडेल, द्वारिका निरौला मानव, गुणबहादुर बञ्जरा, भरत कुमाल, भगवती ढकाल, सरस्वती न्यौपाने, तेजबहादुर कार्की र रोशन लामिछाने रहेका छन् ।

गौतमले गत असार १४ गते काठमाडौंको रिपोर्टर्स क्लबमा पत्रकार सम्मेलन गरेर पार्टी घोषणा गरेका थिए । उनी चार दिनमै पार्टीबाट निष्कासित भएका हुन् ।

यस्तो छ हेर्नुस् उक्त अभियानका ४ दलहरुले निकालेको संयुक्त प्रेस विज्ञप्ति

संयुक्त प्रेस विज्ञप्ति संयुक्त प्रेस विज्ञप्ति संयुक्त प्रेस विज्ञप्ति

यो पनि पढ्नुहोस्

बामदेवद्वारा नयाँ पार्टी घोषणा : पार्टीको नाम नेकपा एकता राष्ट्रिय अभियान


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !