संसदमा जवाफ छलेका प्रधानमन्त्री देउवाले संसदीय समितिको बैठक पनि छले Nepalpatraसंसदमा जवाफ छलेका प्रधानमन्त्री देउवाले संसदीय समितिको बैठक पनि छले
२८ श्रावण २०७९, शनिबार

संसदमा जवाफ छलेका प्रधानमन्त्री देउवाले संसदीय समितिको बैठक पनि छले


शेरबहादुर देउवा

काठमाडौं । प्रतिनिधिसभाको बैठकमा सांसदहरुले सोधेका प्रश्नहरुको जवाफ छलेका प्रधानमन्त्री शेरबहादुर देउवा संसदीय समितिको बैठकमा पनि अनुपस्थित भएका छन् ।

संघीय संसदअन्तर्गतको प्रतिनिधिसभाको अन्तर्राष्ट्रिय सम्बन्ध समितिले अमेरिकी स्टेट पार्टनरसीप प्रोग्राम (एसपिपी) बारे छलफल गर्न बोलाइएको संसदीय समितिमा प्रधानमन्त्री देउवा अनुपस्थित भएका हुन् ।

उक्त समितिले आज प्रधानमन्त्री देउवालाई छलफलका लागि बोलाएको थियो । यद्यपि प्रधानमन्त्री देउवाले बैठकमा उपस्थित हुन नसक्ने भन्दै आज बिहान ८ बजे मात्र जानकारी गराएका थिए । हिजो बेलुकासम्म आउने कुरा गरेको प्रधानमन्त्री देउवाको सचिवालयले आज आउन नभ्याउने भनी जानकारी गराएको थियो ।

उक्त समितिकी सभापति पवित्रादेवी निरौलाले प्रधानमन्त्रीले समितिको अपमान गरेको महसुस आफूले गरेको बताइन् । आजको बैठकमा एसपीपी, नेपालको परराष्ट्रनीति, प्रधानमन्त्री देउवाको निकट भविष्यमा हुने अमेरिका भ्रमणलगायत विषयमा रक्षा मन्त्रालयको समेत जिम्मेवारी सम्हालेका प्रधानमन्त्री देउवालाई छलफलका बोलाइएको थियो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !