गण्डकी । स्थानीय तह सदस्य निर्वाचन-२०७९ अन्तर्गत जारी मतगणनामा पोखरा महानगरपालिकामा सत्ता गठबन्धनका उम्मेदवारले अग्रता कायमै राखेका छन् । जारी मतगणनामा १२०९७ मत गणना हुँदा गठबन्धनबाट प्रमुख पदका उम्मेदवार नेकपा (एकीकृत समाजवादी) का धनराज आचार्यले ४८४८ मत प्राप्त गरेका छन् ।
त्यसैगरी नेकपा (एमाले) का प्रमुख पदका उम्मेदवार कृष्णबहादुर थापाले ४३५२ मत प्राप्त गरेर गठबन्धनका उम्मेदवार आचार्यलाई पछ्याउँदै छन् । गठबन्धनका आचार्यले ४९६ मतले अग्रता हासिल गरेका छन् ।
उपप्रमुखमा गठबन्धनबाट नेपाली कांग्रेसका उम्मेदवार कोपिला रानाभाट ४९९३ मतसहित अघि छिन् भने एमालेकी मञ्जुदेबी गुरुङले ४९३८ मतसहित उनलाई पछ्याएकी छन् ।
