फाइल फोटो 
काठमाडौं । नेकपा (माओवादी केन्द्र) ले पार्टीको विधान संशोधन गरेर १५ सदस्यीय पदाधिकारी बनाउने तयारी गरेको छ । पार्टीको राष्ट्रिय महाधिवेशन नजिकिँदै गर्दा माओवादी केन्द्रले विधान संशोधनको तयारी गरेको हो ।
माओवादी केन्द्रको महाधिवेशन पुस ११ गतेदेखि १३ गतेसम्म काठमाडौंमा हुँदैछ । माओवादीको राष्ट्रिय सम्मेलनमा १५०० प्रतिनिधि सहभागी हुने बताएतापनि प्रतिनिधिको चयन भने गरिसकेको छैन ।
हाल माओवादी केन्द्रको विधानमा अध्यक्ष, उपाध्यक्ष, महासचिव, सचिव र कोषाध्यक्ष गरी ५ सदस्यीय पदाधिकारीको व्यवस्था गरिएकोमा सो संख्यालाई बढाएर पदाधिकारीको संख्या बढीमा १५ सदस्यीय बनाउन लागिएको हो ।
