कांग्रेस गण्डकीको सभापतिमा शर्मा र जोशीको उम्मेदवारी, आज मतदान हुँदै  Nepalpatra कांग्रेस गण्डकीको सभापतिमा शर्मा र जोशीको उम्मेदवारी, आज मतदान हुँदै 
१३ माघ २०७८, बिहिबार

कांग्रेस गण्डकीको सभापतिमा शर्मा र जोशीको उम्मेदवारी, आज मतदान हुँदै 


कांग्रेसको क्रियाशील सदस्य

गण्डकी । नेपाली कांग्रेसको १४औं महाधिवेशन अन्तर्गत हिजो पोखरामा भएको गण्डकी प्रदेश कार्यसमितिको उम्मेदवारी मनोनयनमा सभापति पदमा शुक्रराज शर्मा र अर्जुनप्रसाद जोशीको उम्मेदवारी परेको छ । उक्त पदका लागि मतदान हुँदैछ ।

कार्यसमितिको उपसभापतिमा दुई पदका लागि मेखलाल श्रेष्ठ, नेत्रबहादुर महत, हरिप्रसाद श्रेष्ठ र कल्पना तिवारीको उम्मेदवारी परेको छ । त्यस्तै महामन्त्री दुई पदका लागि कुमार खड्का, ईश्वर पाण्डे, किरणबाबु श्रेष्ठ र विष्णुप्रसाद लामिछानेको उम्मेदवारी परेको निर्वाचन समितिका सदस्य विष्णुकुशल भुजेलले जानकारी दिए ।

सहमहामन्त्री एक महिलामा ओमकला गौतम र कोपिला रानाभाटको उम्मेदवारी परेको छ भने सहमहामन्त्री खुल्ला सदस्य दुई पदका लागि छ जनाको उम्मेदवारी परेको छ ।

अधिवेशनले सभापति, उपसभापति महमन्त्री, सहमहामन्त्रीका साथै सदस्यमा प्रत्यक्ष जिल्लाबाट खुल्ला तथा महिला ११÷११, आदिवासी जनजाती खुल्ला पाँच, मधेशी एक, दलित महिला र खुल्ला दुई÷दुई, थारु एक, मुस्लिम एक, खस आर्य महिला तथा खुल्ला चार-चार, आदिवासी जनजाति महिला पाँच, दलित खुल्ला दुई, अपाङ्गता भएका अल्पसङ्ख्यक एक जना सहितका सदस्य निर्वाचित गर्ने निर्वाचन समितिले जनाएको छ


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !