ओलीको तयारी : बादल उपाध्यक्ष, रायमाझी उपमहासचिव, भट्ट सचिव Nepalpatra ओलीको तयारी : बादल उपाध्यक्ष, रायमाझी उपमहासचिव, भट्ट सचिव
११ माघ २०७८, मंगलबार

ओलीको तयारी : बादल उपाध्यक्ष, रायमाझी उपमहासचिव, भट्ट सचिव


बादल, रायमाझी र भट्ट

चितवन । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई छोडेर नेकपा एमालेका अध्यक्ष केपी शर्मा ओलीतिर लागेका पूर्वमाओवादी नेताहरुले एमालेमा ठुलै भाग पाउने भएका छन् ।

एमाले अध्यक्ष ओलीले प्रचण्डको साथ छोडेर एमालेका आएका पूर्वमाओवादीलाई काखा च्याप्ने र माधव नेपालको साथ छोडेर एमालेमै रहेका १० नेताहरुलाई पाखा लगाउने रणनीति अपनाएको देखिन्छ ।

एमाले महाधिवेशनमा जारी बन्दसत्रमा नेतृत्वका लागि सहमतिको प्रयास जारी रहँदा पूर्वमाओवादीबाट आएका नेताले अध्यक्ष ओलीलाई भेटेका थिए । तीन पदाधिकारीमा दाबीसहित ओलीसँगको उनीहरूको वार्ता सकिएको बुझिएको छ ।

पूर्वमाओवादीवाट एमालेमा आएकाहरुलाई २ पदाधिकारी, २ जना नेतालाई स्थायी कमिटी सदस्य र ४० केन्द्रीय सदस्य दिन ओली तयार रहेको बुझिएको छ । जसअनुसार रामबहादुर थापा ‘बादल’ लाई उपाध्यक्ष र टोप बहादुर रायमाझीलाई उपमहासचिव र लेखराज भट्टलाई सचिव पद दिन ओली तयार भएको बुझिएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !