निधिले मंसिर २१ गते प्यानलसहित उम्मेदवारी दर्ता गर्ने Nepalpatra निधिले मंसिर २१ गते प्यानलसहित उम्मेदवारी दर्ता गर्ने
१८ मंसिर २०७८, शनिबार

निधिले मंसिर २१ गते प्यानलसहित उम्मेदवारी दर्ता गर्ने


विमलेन्द्र निधि

काठमाडौं । नेपाली कांग्रेसका उपसभापति बिमलेन्द्र निधिले आगामी मंसिर २१ गते प्यानलसहित महाधिवेशनका लागि उम्मेदवारी दर्ता गर्ने भएका छन् । आज निधिले पार्टीको १४औँ महाधिवेशनमा सभापति पदका लागि औपचारिक रूपमा उम्मेदवारी घोषणा गरेका छन् ।

बिहीबार काठमाडौँको नयाँ बानेश्वरस्थित आफ्नो सम्पर्क कार्यालयबाट उनले सभापतिमा उम्मेदवारी घोषणा गरेका हुन् । उनले कांग्रेसको सभापतिमा आफ्नो उम्मेदवारी किन भनेर २३ बुँदे प्रतिवद्धतापत्र पनि सार्वजनिक समेत गरेका छन् ।

उनले लोकतन्त्र प्राप्तिका लागि विगतका संघर्षपूर्ण कठिन दिनमा अनेक सहकर्मीहरूसँगै आफूले जेलनेलको लामो शृङ्खला अनुभव गरेको बताए । विगतको पृष्ठभूमि र नेतृत्वदायी अनुभवको यस चरणमा आफुले नेपाली काँग्रेसको केन्द्रीय सभापति पदमा आफूलाई प्रस्तुत गरेको निधिले बताए ।

निधिले आफू सभापति बने आगामी निर्वाचनमा कांग्रेसलाई जनमतबाट एक नम्बर पार्टी बनाउने पनि उद्घोष गरेका छन् । उनले नेपाली कांग्रेसमा रूपान्तरण, पुस्तान्तरण र हस्तान्तरणको प्रणाली लागु गर्ने पनि बताएका छन् ।

यो पनि पढ्नुहोस्

काँग्रेस सभापतिमा विमलेन्द्र निधिको उम्मेदवारी घोषणा


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !