प्रधानमन्त्री देउवाले उद्घाटन गरेका दुई टेलिभिजनमाथि छानबिन शुरु Nepalpatra प्रधानमन्त्री देउवाले उद्घाटन गरेका दुई टेलिभिजनमाथि छानबिन शुरु
१४ माघ २०७८, शुक्रबार

प्रधानमन्त्री देउवाले उद्घाटन गरेका दुई टेलिभिजनमाथि छानबिन शुरु


शेरबहादुर देउवा, रामदेव र प्रचण्ड

काठमाडौँ । प्रधानमन्त्री शेरबहादुर देउवाले उद्घाटन गरेको दुई टेलिभिजनमाथि छानबिन शुरु गरिएको छ । प्रधानमन्त्री देउवाले शुक्रबार यी दुई टेलिभिजनको उद्घाटन गर्दै पतञ्जलिलाई जग्गा उपलब्ध गराउने समेत बताएका थिए ।

सूचना तथा प्रसारण विभागले पतञ्जली आयुर्वेद नेपालमा प्रसारणको तयारी थालेको आस्था नेपाल टिभी र पतञ्जली नेपाल टिभीमाथि छानबिन अघि बढाएको हो ।

विभागले आज आइतबार ती दुबैको कार्यालय रहेको मण्डिखाटारस्थित पतञ्जली नेपालमा टोली पठाएको हो । टेलिभिजन कार्यालयको हालको वस्तुस्थिति बुझ्न गएको आयोगको टोलीले भोलि प्रतिवेदन दिने बुझिएको छ ।

दुबै टिभी कानुनी रूपमा अनुमतिको प्रक्रियामै नगइकन शुक्रबार मात्र उद्घाटन गरिएको थियो । अनुमति नपाएका टिभी च्यानल उद्घाटनमा प्रधानमन्त्री शेरबहादुर देउवा लगायत सरकारका वरिष्ठ मन्त्री र दलका शीर्ष नेताहरू पुगेका थिए ।

वैदेशिक लगानीमा सञ्चालन हुन लागेको भए यी दुवै टेलिभिजनलाई मान्यता दिन नसकिने बिभाग स्रोतले बताएको छ । पतञ्जली आयुर्वेद हरिद्वारका लगानीकर्ता तथा योगगुरू रामदेव र पतञ्जलीका अध्यक्ष आचार्य बालकृष्ण टिभी उद्घाटन गर्न आएका थिए ।

काठमाडौँमा आएपछि त्रिभुवन अन्तर्राष्ट्रिय विमानस्थलमा संचारकर्मीहरुसँग कुरा गर्दै रामदेवले भारतपछि पतञ्जलीको दोस्रो गन्तव्य नेपाल भएको बताउदै टेलिभिजनका अलावा नेपालमा रिसर्च सेन्टर र कलेज विस्तार गर्ने योजना समेत रहेको बताएका थिए ।

नेपालीलाई योगसहित आयुर्वेद शिक्षाको ज्ञान संचार गर्दै नेपालको सामाजिक सांस्कृतिक, आध्यात्मिक, धार्मिक सहिष्णुतालाई दिगो र प्रगाढ बनाउन टिभी सञ्चालन गरिएको पतञ्जली योगपीठ नेपालले जनाएको थियो ।

यो पनि पढ्नुहोस्

प्रचण्ड भन्छन्- रामदेव वैज्ञानिक र क्रान्तिकारी रहेछन्

प्रधानमन्त्री देउवाले भने- सरकारले पतञ्जलिलाई जग्गा उपलब्ध गराउँछ

प्रधानमन्त्री देउवाले गरे रामदेवका दुई वटा टेलिभिजनको उद्घाटन


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !