प्रधानन्यायाधीश जबराले नेपाल बारलाई वार्ताका लागि पठाए पत्र Nepalpatra प्रधानन्यायाधीश जबराले नेपाल बारलाई वार्ताका लागि पठाए पत्र
१४ माघ २०७८, शुक्रबार

प्रधानन्यायाधीश जबराले बारलाई वार्ताका लागि पठाए पत्र


चोलेन्द्र शमसेर जबरा फाइल फोटो

काठमाडौं । प्रधानन्यायाधीश चोलेन्द्रशम्शेर जबराले वार्ताका लागि नेपाल बार एशोसिएशनलाई पत्र पठाएका छन् । प्रधानन्यायाधीश जबराले नेपाल बारका अध्यक्ष चण्डेश्वर श्रेष्ठलाई पत्र पठाएर वार्ताको आह्वान गरेका हुन् ।

बारका एक अधिकारीका अनुसार प्रधान्यायाधीशले वर्तमान समस्याको निकासका लागि तयार रहेको भन्दै बारलाई पत्र पठाएका हुन् । बारको जारी बैठकमा अध्यक्ष चन्डेश्वर श्रेष्ठले उक्त पत्र वाचन गरेका थिए ।

बार अध्यक्ष श्रेष्ठले आफूलाई आएको पत्रको व्यहोरा बैठकमा पढेर सुनाएका थिए । बारका एक पदाधिकारीका अनुसार, प्रधानन्यायाधीश जबराले आफू छलफल र संवादबाट अहिलेको समस्या समाधानका लागि तयार भएको भन्दै जुनसुकै बेला वार्ता गर्न प्रस्ताव गरेका छन् ।

प्रधानन्यायाधीश जबराले आफूले न्यायपालिकाको सुधार र सुदृढिकरणका लागि जस्तोसुकै सहयोग गर्न तयार रहेको व्यहोरा उल्लेख गर्दै संवाद र छलफलबाट नै समाधान खोज्ने गरी पत्र पठाएको ती पदाधिकारीले बताए ।

प्रधानन्यायाधीशले पठाएको पत्रमाथि बारको कार्यसमिति बैठकमा छलफल भइरहेको बारका एक पदाधिकारीले बताए । नेपाल बारले प्रधान्यायाधीश जबराको राजीनामा माग गर्दै विभिन्न चरणको आन्दोलन गर्दै आएको छ ।

यो पनि पढ्नुहोस्

प्रधानन्यायाधीशविरुद्ध चौथो चरणको आन्दोलन घोषणा गर्न बारको बैठक जारी

प्रधानन्यायाधीश जबराले तोके १० इजलासमा २२२ मुद्दा

प्रधानन्यायाधीश जबराले तोके बन्दी प्रत्यक्षीकरणसहित सबै खाले मुद्दाको पेशी

सर्वोच्च परिसरमा झडप : प्रहरीको लाठी चार्जबाट २ जना वकिल घाइते

सर्वोच्च परिसरमा आज पनि कानून व्यवसायी र प्रहरीबीच घम्साघम्सी


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !