भीम आचार्यले प्रदेश प्रमुखलाई बुझाए मुख्यमन्त्री पदवाट दिएको राजीनामा पत्र Nepalpatra भीम आचार्यले प्रदेश प्रमुखलाई बुझाए मुख्यमन्त्री पदवाट दिएको राजीनामा पत्र
१४ माघ २०७८, शुक्रबार

भीम आचार्यले प्रदेश प्रमुखलाई बुझाए मुख्यमन्त्री पदवाट दिएको राजीनामा पत्र


भीम आचार्यले बुझाए राजीनामा पत्र

विराटनगर । प्रदेश १ मा भीम आचार्यले मुख्यमन्त्री पदवाट दिएको राजीनामा पत्र प्रदेश प्रमुखलाई बुझाएका छन् । आज सोमबार प्रदेशसभाको बैठकमा सम्बोधनपछि राजीनामा घोषणा गरेका आचार्यले लगतै प्रदेश प्रमुख सोमनाथ अधिकारी प्यासीलाई राजीनामा पत्र बुझाएका हुन् ।

प्रदेशसभामा आज विश्वासको मत लिने प्रस्तावमाथि मतदान हुनुअघि नै उनले राजीनामा घोषणा गरेका थिए । मुख्यमन्त्री हुँदा आफूले गरेका काम सदनमा प्रस्तुत गर्दै पार्टीको वहुमत नरहेकोले मुख्यमन्त्री पदवाट आफूले राजीनामा दिएको बताएका थिए ।

आज सोमबार बसेको प्रदेशसभाको बैठकमा विश्वासको मत लिने सन्दर्भमा सभामुख प्रदीप कुमार भण्डारीले आचार्यलाई सदनमा मन्तब्य राख्न समय उपलब्ध गराएका थिए ।

आज बसेको प्रदेशसभाको बैठकमा विश्वासको मत प्राप्त गर्ने सम्बन्धमा आफनो मन्तव्य राख्दै आचार्यले पदबाट राजीनामा दिएको घोषणा गरेका हुन् । आज प्रदेशसभा बैठकमा आचार्यले यसअघिकै बैठकमा टेबुल गरेको विश्वासको मत सम्बन्धी प्रस्तावमा मत विभाजन हुने कार्यतालिका रहेको थियो ।

आचार्य गत भदौ १० गते मुख्यमन्त्री बनेका थिए । शेरधन राईले पदबाट राजीनामा दिएपछि आचार्य पहिले संसदीय दलको नेता र सोही दिन मुख्यमन्त्री नियुक्त भएका थिए ।

नेपाली कांग्रेस, नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी र संयुक्त लोकतान्त्रिक राष्ट्रिय मञ्चको बैठकले मुख्यमन्त्रीमा नेकपा (एकीकृत समाजवादी) पार्टीका संसदीय दलका नेता राजेन्द्र राईलाई नयाँ मुख्यमन्त्रीमा दाबी पेश गर्ने सहमति जुटेको छ ।

प्रदेश १ मा आचार्यले मुख्यमन्त्री पदवाट राजीनामा दिएपछि नेकपा (एस) पार्टीका राईले आजै मुख्यमन्त्रीमा दाबी पेश गर्ने भएका छन् । राईले तिहार अगाडि नै सानो आकारको मन्त्रिपरिषद् गठन गर्ने तयारी गरेका छन् ।

आचार्यले राजीनामा बुझाएपछि प्रदेश प्रमुख प्यासीले संविधानको धारा १६८ को उपधारा २ बमोजिम सरकार गठनका लागि आह्वान गर्ने तयारी गरेका छन् । प्रदेश प्रमुखले आह्वान गरेलगतै गठबन्धनले दाबी पेस गर्ने तयारी गरेका छ ।

भीम आचार्यले राजीनामा पत्र


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !