प्रधानन्यायाधीश राणालाई नेपाल बारले दियो १५ दिने अल्टिमेटम Nepalpatra प्रधानन्यायाधीश राणालाई नेपाल बारले दियो १५ दिने अल्टिमेटम
१४ माघ २०७८, शुक्रबार

प्रधानन्यायाधीश राणालाई नेपाल बारले दियो १५ दिने अल्टिमेटम


नेपाल बार एसोसिएसन

काठमाडौँ । नेपाल बार एशोसिएसनले प्रधानन्यायाधीश चोलेन्द्रशम्शेर जबरालाई १५ दिने अल्टिमेटम दिएको छ । नेपाल बारले विगतमा भएका सहमति कार्यान्वयन गर्न प्रधानन्यायाधीश जबरालाई अल्टिमेटम दिएको हो ।

आज शुक्रबार बसेको बारको आकस्मिक बैठकले आइतबार प्रधानन्यायाधीश राणासँग छलफल समेत गर्ने निर्णय गरेको बारका महासचिव लीलामणि पौडेलद्वारा जारी विज्ञप्तिमा भनिएको छ ।

नेपाल बारले गोला प्रथाबाट मुद्दाहरुको पेशी तोक्ने कार्य सुरु गर्ने कार्यतालिका र प्रतिबद्धता १५ दिनभित्र दिन प्रधानन्यायाधीश राणालाई अल्टिमेटम दिएको हो । बारले न्यायाधीश हरिकृष्ण कार्कीको संयोजकत्वमा गठित समितिले बुझाएको प्रतिवेदन लागू गर्न प्रधानन्यायाधीश जबरालाई १५ दिनको अल्टिमेटम दिएको हो ।

न्यायाधीश हरिकृष्ण कार्की नेतृत्वको अध्ययन समितिले प्रतिवेदन दिएपछि प्रधानन्यायाधीश राणाले कात्तिक १ गतेदेखि गोलाप्रथामा जाने प्रतिबद्धता बारका प्रतिनिधिहरुसँग गरेका थिए।

अहिले सर्वोच्चमा प्रधानन्यायाधीश, उच्च र जिल्ला अदालतमा मुख्य न्यायाधीशले मुद्दाको पेशी तोक्दै आएका छन् । पेशी तोक्ने कामलाई प्रधानन्यायाधीश/मुख्यन्यायाधीशको स्वविवेकीय अधिकार मानिए पनि त्यसले न्यायमा विकृत ल्याएको ठहर अध्ययन समितिहरुले गरेका छन् ।

‘बेञ्च सपिङ’को विकृति रोक्ने तत्काल गोलाप्रथा र दीर्घकालमा स्वचालित प्रणालीमा जानु पर्ने सुझावप्रति सुरुमा राणा सकारात्मक भए पनि अहिले इच्छुक नदेखिएको सर्वोच्च स्रोतको दाबी छ ।

दसैँअघि भएको एक कार्यक्रममा उनले गोला प्रथा सिफारिस गर्न दिएको सुझावलाई ‘भड्खालोमा हाल्ने काम’ भनि टिप्पणी समेत गरेका थिए । साथै प्रधानन्यायाधीश जबराको राजीनामा नआए उनीमाथि छानविन गर्न पूर्वन्यायाधीशको नेतृत्वमा समिति गठन हुनुपर्ने मागका साथ आन्दोलित हुने कानून व्यवसायीहरुको तयारी गरेका छन् ।

प्रधानन्यायाधीश राणालाई नेपाल बारले दियो १५ दिने अल्टिमेटम


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !