एकीकृत समाजवादीवाट देउवा सरकारमा कसले कुन मन्त्रालयमा पाए ? Nepalpatra एकीकृत समाजवादीवाट देउवा सरकारमा कसले कुन मन्त्रालयमा पाए ?
७ कार्तिक २०७८, आइतबार

एकीकृत समाजवादीवाट देउवा सरकारमा कसले कुन मन्त्रालयमा पाए ?


विरोध खतिवडा, रामकुमारी झाँक्री, प्रेम आले र किसान श्रेष्ठ

काठमाडौँ । सत्तारुढ गठबन्धनमा मन्त्रालयको भागबण्डा मिलेसँगै माधवकुमार नेपालको नेतृत्वको सत्तारुढ दल नेकपा (एकीकृत समाजवादी) पार्टीले शेरबहादुर देउवा सरकारमा पठाउने मन्त्रीहरुको नाम टुंग्याएको छ ।

आज शुक्रबार विहान बसेको एकीकृत समाजवादीको केन्द्रीय सचिवालय बैठकले मन्त्री हुनेको नाम र मन्त्रालयको टुंगो लगाएको हो । सचिव रामकुमारी झाँक्रीलाई स्वास्थ्य तथा जनसंख्यामन्त्री बनाउने निर्णय गरेको छ ।

साथै विरोध खतिवडालाई शहरी विकास मन्त्री, प्रेमबहादुर आलेलाई संस्कृति पर्यटन तथा नागरिक उड्डयन मन्त्री र कृष्णकुमार (किसान) श्रेष्ठलाई श्रम रोजगार तथा सामाजिक सुरक्षा मन्त्री बनाउने निर्णय गरेको छ ।

प्रधानमन्त्री शेरबहादुर देउवाले आजै मन्त्रिपरिषदलाई पूर्णता दिने तयारी गरेका छन् । गत असार २९ गते प्रधानमन्त्री बनेका देउवाले ३ महिना पुग्न २ दिन बाँकी रहँदा (८८ दिनपछि) आज शुक्रबार मन्त्रिपरिषद्लाई पूर्णता दिन लागेका हुन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !