काठमाडौं । नेकपा (एकीकृत समाजवादी) को संसदीय दलको बैठक आज बस्दैछ । नयाँ बानेश्वस्थित संघीय संसद् भवनको ल्होत्से हलमा बैठक बिहान ११ बजे बस्ने सो पार्टीका एक सांसद्ले जानकारी दिए ।
उनका अनुसार बैठकमा संसदीय दलको नेता चयन गर्ने लगायत विषयमा छलफल हुनेछ । पार्टीका अध्यक्ष माधवकुमार नेपाललाई संसदीय दलको नेता चयन गर्ने तयारी छ ।
यस्तै प्रमुख सचेतक तथा सचेतक समेत चयन गरिने भएको छ । देउवा सरकारमा सहभागी हुनुपूर्व सो दलले संसदीय दलको नेता चयन गर्न लागेको हो । छिट्टै सरकारमा जाने पार्टीको योजना रहेको ती सांसदले बताए ।
