४ चैत, काठमाण्डौ । राष्ट्रियसभाको उपाध्यक्ष पदका लागि आज निर्वाचन हुँदैछ ।
माओवादी केन्द्रकी शशिकला दाहाल र कांग्रेसका वृन्दादेवी आलेको उम्मेदवारी परेको छ ।
निर्वाचनमा राष्ट्रियसभाका अध्यक्षबाहेक ५८ जनाले मतदानमा भाग लिनेछन् । वाम गठबन्धनमा आबद्ध एमाले–माओवादीको स्पष्ट बहुमत भएकाले दाहाल विजयी हुने निश्चितजस्तै छ ।
राष्ट्रियसभाको अध्यक्षमा एमालेका गणेशप्रसाद तिमिल्सिना निर्वाचित भइसकेका छन् ।
