राष्ट्रपतिद्वारा आफ्नो उपस्थितिमा महान्यायाधिवक्ता खातीलाई शपथ गराउन अस्वीकार Nepalpatra राष्ट्रपतिद्वारा आफ्नो उपस्थितिमा महान्यायाधिवक्ता खातीलाई शपथ गराउन अस्वीकार
१२ श्रावण २०७८, मंगलबार

राष्ट्रपतिद्वारा आफ्नो उपस्थितिमा महान्यायाधिवक्ता खातीलाई शपथ गराउन अस्वीकार


राष्ट्रपतिद्वारा आफ्नो उपस्थितिमा महान्यायाधिवक्ता खातीलाई शपथ गराउन अस्वीकार

काठमाडौं । राष्ट्रपति विद्यादेवी भण्डारीले राष्ट्रपति कार्यालयमा आफ्नो उपस्थितिमा महान्यायाधिवक्ता खम्मबहादुर खातीलाई शपथ गराउन अस्वीकार गरेकी छन् । राष्ट्रपति भण्डारीको अस्वीकारको कारण महान्यायाधिवक्ता खातीको शपथ सर्वोच्च अदालतमा गरिएको छ ।

प्रधानमन्त्री शेरबहादुर देउवा नेतृत्वको सरकारले खातीलाई महान्यायाधिवक्ताका रूपमा खातीलाई सिफारिस गरिएको थियो । बिहीबार राष्ट्रपति भण्डारी आफैले नियुक्त महान्यायाधिवक्ता खातीको शपथमा भने उनले उपस्थिति हुन अस्वीकार गरेकी हुन् ।

राष्ट्रपतिले आफ्नो उपस्थितिमा शपथ गराउन अस्वीकार गरेपछि सवा २ बजे सर्वोच्च अदालतमा नै महान्यायाधिवक्ता खातीको शपथ गरिएको छ । राष्ट्रपतिको उपस्थितिमा प्रधानन्यायाधीशले महान्यायाधिवक्तालाई पद तथा गोपनीयताको शपथ गराउने प्रचलित अभ्यास छ । तर यसपटक भने उक्त परम्परा तोडिएको छ ।

महान्यायाधिवक्ता खातीले आफू राष्ट्रपति र सरकारको प्रमुख कानुनी सल्लाहकार रहेको राष्ट्रपतिबाटै नियुक्ति पनि भइसकेको हुँदा विगतको अभ्यासबमोजिम नै शपथ हुनुपर्ने अडान राखेका थिए । तर राष्ट्रपति कार्यालयले भने सर्वोच्चलाई नै परिपत्र गरिएकोले उतै शपथ लिन र राष्ट्रपतिलाई भेट्ने भए आउन भनेको स्रोतले बतायो ।

निवर्तमान महान्यायाधिवक्ता रमेश बडाललाई भने राष्ट्रपति भण्डारीको उपस्थितिमा प्रधानन्यायाधीश चोलेन्द्रशमशेर जबराले राष्ट्रपति कार्यालयमा नै शपथ गराएका थिए ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !