ओली प्रधानमन्त्रीवाट हटेको भोलिपल्ट प्रचण्ड र विप्लवबीच भेटवार्ता Nepalpatra ओली प्रधानमन्त्रीवाट हटेको भोलिपल्ट प्रचण्ड र विप्लवबीच भेटवार्ता

२१ श्रावण २०७८, बिहिबार

खुमलटारमा प्रचण्ड र विप्लवबीच भेटवार्ता


प्रचण्ड र विप्लवबीच भेटवार्ता

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा विप्लव समूहका महासचिव नेत्रविक्रम चन्द ‘विप्लव’बीच भेटवार्ता भएको छ ।

प्रचण्डलाई भेट्न विप्लव धर्मेन्द्र बास्तोलालाई लिएर प्रचण्डनिवास खुमलटार पुगेका छन् । शान्तिपूर्ण राजनीतिमा आएपछि विप्लवले पहिलो पटक प्रचण्डलाई भेटेका हुन् ।

ओली सरकारका समयमा वार्ता गरेर शान्तिपूर्ण राजनीतिमा आएको विप्लव समूहले आफ्ना बन्दीहरुको रिहाइको माग गर्दै आइरहेको छ । प्रचण्ड नेतृत्वमा माओवादीबाट विद्रोह गरेर भूमिगत राजनीतिमा लागेका विप्लवले लामो समयपछि प्रचण्डसँग भेटवार्ता गरेका हुन् ।

केपी शर्मा ओली प्रधानमन्त्रीवाट हटेको र शेरबहादुर देउवा प्रधानमन्त्री भएको भोलिपल्ट प्रचण्ड र विप्लवबीच भेटवार्ता हुनुलाई राजनीतिक वृत्तमा चासोका साथ हेरिएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
ताजा