सभामुख सापकोटाले प्रधानमन्त्रीसहित शीर्ष नेतालाई बोलाए छलफलमा Nepalpatra सभामुख सापकोटाले प्रधानमन्त्रीसहित शीर्ष नेतालाई बोलाए छलफलमा
५ असार २०७८, शनिबार

सभामुखले प्रधानमन्त्री लगायत प्रमुख दलका शीर्ष नेतासँग छलफल गर्ने


अग्नि सापकोटा फोटो फाइल

काठमाडौँ । सभामुख अग्निप्रसाद सापकोटाले समसामयिक विषयमा प्रमुख राजनीतिक दलका नेतासँग शुक्रबार छलफल गर्न लागेका छन् । सभामुख सापकोटाले पत्राचार नै गरेर विघटित प्रतिनिधिसभामा प्रतिनिधित्व गर्ने दलका नेतालाई छलफलका लागि आमन्त्रण गरेका छन् ।

सभामुख सापकोटाका सञ्चारविज्ञ श्रीधर न्यौपानेका अनुसार बैठकमा प्रधानमन्त्री केपी शर्मा ओली, पूर्वप्रधानमन्त्री र संघीय संसद्मा प्रतिनिधित्व गर्ने सबै राजनीतिक दलका नेतालाई बैठकमा बोलाइएको छ ।

समसामयिक विषयमा छलफलका लागि उनीहरुलाई बोलाइएको बताइएको छ । बैठक जेठ २८ गते शुक्रबार अपराह्न संघीय संसद् भवन नयाँ बानेश्वरको ल्होत्से हलमा आयोजना गरिएको छ । प्रतिनिधिसभा दोस्रोपटक विघटन भएपछि सभामुख सापकोटाले यसअघि पूर्वसभामुख तथा कानून व्यवसायीसँग छलफल गरेका थिए ।

सभामुख सापकोटाले प्रधानमन्त्रीसहित शीर्ष नेतालाई बोलाए छलफलमा


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !